راولپنڈی(مانیٹرنگ ڈیسک)حب میں درگاہ شاہ نورانی پر دھماکہ ، چیف آف آرمی سٹاف جنرل راحیل شریف نے پاک فوج کی امدادی ٹیمیں درگاہ شاہ نورانی بھیجنےکاحکم دیدیا ۔پاک فوج کے ترجمان ادارے آئی ایس پی آرکے مطابق آرمی چیف جنرل راحیل شریف کی ہدایت پر کراچی سے مسلح افواج کے دستے اور میڈیکل ٹیمیں ایمبولینسز کے ہمراہ درگارہ شاہ نورانی روانہ ہو گئیں ہیں

جو کچھ دیر بعد جائے وقوعہ پر پہنچ جائیں گی۔ واضح رہےکہ ہفتے کی شام مغرب کے وقت درگاہ شاہ نورانی پراس وقت دھماکہ ہواجب وہاں پرلوگ مزارکے احاطے میں دھمال ڈال رہے تھے جبکہ اس واقعہ میں 43افراد جاں بحق اور100سے زائد زخمی ہوگئے ہیں جن میں خواتین اوربچے بھی شامل ہیں ۔بلوچستان میں رواں برس دہشتگردی کایہ تیسرابڑاواقعہ ہے جس میں 43افراد جاں بحق ہوئے ہیں ۔