اسلام آباد(ایکسکلوژو رپورٹ) پاکستان تحریک انصاف کے سربراہ عمران خان بڑی مشکل میں پھنس گئے۔ تفصیل کے مطابق پاکستان تحریک انصاف کے سربراہ عمران خان دو ماہ تک اپنی شادی خفیہ رکھنے کی وجہ سے بڑی مشکل میں پھنس گئے ہیں۔ نجی ٹی وی رپورٹ کے مطابق اس بات کو جواز بنا کر سابق چیف جسٹس آف پاکستان افتخار چوہدری کی سیاسی جماعت پاکستان جسٹس پارٹی نے عمران خان کیخلاف سپریم کورٹ میں ریفرنس دائر کر دیا ہے۔

پاکستان جسٹس پارٹی کی جانب سے عمران خان کیخلاف سپریم کورٹ میں دائر ریفرنس میں یہ موقف اپنایا گیا کہ عمران خان نے دانستہ اپنی شادی کو دو ماہ تک خفیہ رکھا اور وہ قوم سے جھوٹ بولتے رہے۔ اس لئے عمران خان اب صادق اور امین نہیں رہے، انہیں نا اہل قرار دیا جائے۔ نجی ٹی وی رپورٹ کے مطابق پاکستان تحریک انصاف کے سربراہ عمران خان کی سابق اہلیہ ریحام خان نے چند روز قبل اپنی شادی بارے ایک نجی ٹی وی پروگرام میں یہ راز فاش کیا تھا کہ ان کی شادہ کو تقریباََ دو ماہ سے زائد عرصے تک چھپایا جاتا رہا۔

موضوعات:افتخار چوہدری ریحام خان سپریم کورٹ شادی عمران خان