اسلام آ باد(آن لائن) مریم نواز ٹیکس دیتی ہیں یا نہیں ؟ وزیر اطلاعات مریم اورنگ زیب نے بڑا انکشاف سامنے آ گیا ‎ وفاقی وزیرا طلاعات و نشریات مریم اورنگزیب نے کہا ہے کہ مریم نواز باقاعدگی سے ٹیکس دیتی ہیں تاہم جھوٹے الزامات لگانے والوں کو سپریم کورٹ میں بھی شرمندگی اٹھانا پڑے گی۔سپریم کورٹ کے باہر میڈیاسے گفتگو کرتے ہوئے انکا کہنا تھا کہ وزیر اعظم نے کہا کہ پاناما لیکس معا ملے کی تحقیقات ہونی چاہئیں۔ وزیر اعظم خود کو احتساب کیلئے پیش کر چکے ہیں تاہم پی ٹی آئی ہمیشہ ثبوت لانے میں ناکام ہوئی۔مریم اورنگزیب نے مزید کہا کہ عمران خان کو سمجھ جانا چاہئیے کہ کنٹینر اور عدالت میں فرق ہوتا کیونکہ عدالت میں الزامات کی بنیاد پر کیس نہیں جیتے جاتے۔’’عمران خان پاناما لیکس کیس کی تحقیقات سے فرار چاہتے ہیں ‘‘۔انہوں نے کہا کہ عمران خان نے پاناما لیکس کیس کی تحقیقات کیلئے ہرکمیشن اور دیگر کاوشوں کو سبوتاڑ کیا۔