اسلام آباد(مانیٹرنگ ڈیسک) پاک فوج نے دونوں ممالک کے درمیان بڑھتی ہوئی کشیدگی کو مدنظر رکھتے ہوئے بھارت کیساتھ سرحد پر رینجرز کی جگہ پر فوجی اہلکاروں کو تعینات کرناشروع کردیااور تعدادمیں اضافہ کیا جارہاہے تاہم بھارت کے اس دعوے پر پاک فوج کا موقف معلوم نہیں ہوسکا اور نہ ہی بھارتی میڈیا نے اپنی خبر میں پاک فوج کا موقف شامل کیا۔ ٹائمزآف انڈیا نے دعویٰ کیاہے کہ جموں میں پاک بھارت سرحد پر پاکستان رینجرز کی جگہ جموں ، راجھستان ، گجرات اور بنگال کے سرحدی علاقوں میں پاک فوج کے اہلکار تعینات کیے جارہے ہیں اور بھارتی سیکیورٹی فورسز کے ذرائع کے حوالے سے دعویٰ کیاگیاکہ رینجرز کی چیک پوسٹوں پر ہتھیاروں کی بھی تنصیب کردی گئی اور بی ایس ایف کا سامنا کرنے کے لیے باقاعدہ دستے تعینات کردیئے گئے۔ سینئر حکام کے حوالے سے کہاگیاکہ ’ یہ کہنا مشکل ہے کہ پاکستان آرمی نے سرحد پر رینجرز پوسٹوں کا کنٹرول سنبھال لیا تاہم وہاں نقل وحمل بڑھ گئی، کئی گاڑیاں مسلسل فوجی اہلکار اور ہتھیار لارہی ہیں اور یہ عمل گزشتہ آٹھ نو دن سے جاری ہے ، ایسی انٹیلی جنس اطلاعات نہیں کہ دراصل پاکستان آرمی کیا کررہی ہے لیکن بظاہر لگتاہے کہ سرحد پر فوجی موجودگی بڑھاناچاہتے ہیں ۔

موضوعات:انڈیا بارڈر پاکستان