کراچی(این این آئی)کراچی کے علاقے ناظم آباد نمبر 4 میں مجلس پر فائرنگ کے واقعہ کے الزام میں ایک دہشتگرد کو گرفتار کر لیا گیا ہے۔پولیس ذرائع کے مطابق ناظم آباد نمبر 4 میں مجلس پر فائرنگ کے واقعہ کی تحقیقات میں اہم پیش رفت ہوئی ہے۔ ذرائع کے مطابق، ضلع سنٹرل میں حساس ادارے نے کارروائی کر کے ایک دہشتگرد کو گرفتار کر لیا۔ گرفتار دہشتگرد کا تعلق ایک سیاسی جماعت سے بتایا جاتا ہے۔ گرفتار دہشتگرد پر مجلس پر فائرنگ کا الزام ہے۔ گرفتار دہشتگرد کو تفتیش کے لئے نامعلوم مقام پر منتقل کر دیا گیا ہے۔ ذرائع کا دعوی ہے کہ گرفتار دہشتگرد کا گروپ 8 ملزمان پر مشتمل ہے جن کے حوالے سے تفصیلات جمع کی جا رہی ہیں۔