اسلام آباد( این این آئی) دو بڑی کمپنیوں کی پانامہ اور بہاماس میں 19کروڑ ڈالر کی سرمایہ کاری کا انکشاف ہوا ہے ،سکیورٹیز اینڈ ایکسچینج کمیشن آف پاکستان نے معلومات متعلقہ اداروں کے سپرد کر دیں۔نجی ٹی وی کے مطابق پانامہ اور بہاماس لیکس کی روشنی میں سکیورٹیز اینڈ ایکسچینج کمیشن آف پاکستان حرکت میں آ گئی ہے اور اس نے دو بڑی کمپنیوں کا سراغ لگا لیا گیا۔ آف شور کمپنیوں میں 19 کروڑ ڈالر کی سرمایہ کاری کا انکشاف ہوا ہے۔ذرائع کے مطابق ایس ای سی پی نے پانامہ اور بہاماس میں ملوث 890 افراد اور کمپنیوں کی جانچ پڑتال کی۔ تحقیقات میں پتا چلا کہ پانامہ میں ایک پاکستانی کمپنی نے 9 کروڑ ڈالر جبکہ بہاماس میں ایک کمپنی نے 10 کروڑ ڈالر کی سرمایہ کاری کر رکھی ہے۔ذرائع کا کہنا ہے کہ ایس ای سی پی نے تمام معلومات متعلقہ اداروں کے حوالے کر دی ہیں۔