حضرو(آئی این پی)تحریک انصاف خیبرپختونخوا کی قیادت کے خلاف جلاؤگھیراؤ ،کار سرکار میں مداخلت اور پولیس پر پتھراؤ کا مقدمہ درج کرلیا گیا ہے،مقدمہ تھانہ حضرو میں ایس ایچ اومظہر شاہ کی مدعیت میں درج کیا گیا تاہم وزیراعلیٰ کے پی کے پرویزخٹک ان کی کابینہ کے وزراء کو نامزد نہیں کیاگیا ، ہزاروں کارکنوں کو نامعلوم ملزمان کے طور پر شامل کیا گیا ہے۔

تفصیلات کے مطابق پنجاب پولیس نے دھرنے کیلئے اسلام آباد جانے والے تحریک انصاف کے اہم رہنما?ں اور کارکنوں کے خلاف مقد مہ درج کیا ہے جس میں پولیس پر حملے،جلاؤگھیراؤ،کار سرکار میں مداخلت کی دفعات شامل کی گئی ہیں۔ مقدمہ تھانہ حضرو میں ایس ایچ او مظہر شاہ کی مدعیت میں درج کیا گیا ہے۔ جس میں دفعہ 148،149،440،186،453،324اور 188 شامل ہیں۔ ایس ایچ او مظہر شاہ کے مطابق مظاہرین پابندی اور دفعہ 144 کے باوجود اسلام آباد کو بند کرنے کے لئے جارہے تھے۔ روکنے پر مسلح مظاہرین نے پولیس پر حملہ کیا اور گاڑیوں کو آگ لگا دی۔مشتعل مظاہرین کے پتھراوں سے متعدد پولیس اہلکار زخمی بھی ہوئے۔مقدمہ میں وزیراعلیٰ کے پی کے پرویزخٹک ان کی کابینہ کے وزراء4 وغیرہ کسی کو نامز د نہیں کیاگیا تاہم اس میں ہزاروں نامعلوم کارکنوں کونامز دکیاگیا ہے