رائے ونڈ (این این آئی)عالمی اجتماع میں نماز جمعہ میں شرکاء کی تعداد چارلاکھ سے تجاوزکرگئی۔* اجتماع گاہ میں اخبارات و رسائل کی فروخت پر پابندی ۔* ڈسٹ ماسک کی مانگ میں اضافہ ہوگیا۔*نماز جمعہ کی ادائیگی کے لئے نواحی علاقوں سے کثیر تعداد پنڈال پہنچی ۔ * اجتماع میں شرکت کے باعث مقامی مساجد میں رش کم رہا ۔* ریلوئے پولیس و دیگر ملازمین کی استقبالیہ کیمپ میں کھانوں سے تواضع کی گئی۔ * رکشہ ڈرائیوروں نے منہ مانگے کرائے وصول کئے ۔* لوٹا اور تسبیح کے اسٹالوں پر رش رہا۔ * موبائل فون کمپنیوں نے پنڈال روڈ پر اپنے اسٹال قائم کرلئے ۔* سوہن حلوہ کی قیمتوں میں اضافہ ،ناقص گنے کی رو فروخت ہوتی رہی ۔ * عطائیوں کی بازار میں بھرمار،ناقص گوشت کی فروخت سے زائرین بیمار ،سردی کی شدت میں اضافہ سے خشک کھانسی کے مریضوں کی تعداد بڑھ گئی ۔ * مقامی رہائشیوں کے ہاں مہمانوں کا پڑاؤ ،مین بازار میں تبلیغی کارکنان خریداری میں مصروف رہے ۔ * آج (ہفتہ)بعدا زنمازفجر اجتماعی نکاح پڑھایا جائیگا ، ہزاروں افراد رشتہ ازدواج میں منسلک ہوجائیں گے۔* سلاجیت اور نسوار کی فروخت میں اضافہ دیکھا گیا۔
* عارضی بازاروں میں ناقص مشروبات کی فروخت جاری رہی،انتظامیہ نے چپ سادھ لی ۔ * ریلوئے اسٹیشن پر اسٹال مالکان شرکاء کو دونوں ہاتھوں سے لوٹتے رہے۔ * مقامی فیکٹریوں کے ملازمین کی نماز جمعہ میں شرکت ۔قافلوں کی آمد کا سلسلہ جاری ہے ۔

موضوعات:اجتماعی نکاح عالمی اجتماع