اسلام آباد(مانیٹرنگ ڈیسک ) پاک فوج کے سربراہ جنرل راحیل شریف نے برطانیہ میں حال ہی میں منعقد ہونےو الی کیمبرین پٹرول مشقوں میں حصہ لینے والی پاک فوج کی ٹیم سےملاقات کرتے ہوئے انہیں گولڈ میڈل حاصل کرنے پر مبارکباد دی ہے۔
تفصیلات کےمطابق پاک فوج کے شعبہ تعلقات عامہ کی جانب سے جاری کردہ پریس ریلیز کے مطابق پاک فوج کے سربراہ جنرل راحیل شریف نے کیمبرین پٹرول مشقوں میں سونے کا تمغہ جیتنے والی پاک فوج کی ٹیم سے ملاقات کی ہے۔ آرمی چیف نے خصوصی ملاقات میں قوم پرچم اور پاک فوج کا نام سر بلند کرنے پر ٹیم کےممبران کو خصوصی مبارکباد دیتے ہوئےان کے پروفیشنل ازم اور محنت پر تعریف کی ہے ۔
واضح رہے کہ کیمبرین پٹرول مشقیں گزشتہ ماہ 14 اکتوبر سے لے کر 23 اکتوبر تک برطانیہ میںمنعقد ہوئیں جن میں دنیا بھر سے 122 ممالک کی افواج نے حصہ لیا۔ پاک فوج کی جانب سے فسٹ کور کے 37 ویں ڈویژن ، 59 کے افسروں اور جوانوں نے ان مشقوں میں پاکستان کی نمائندگی کی اور شاندار کارکردگی کا مظاہرہ کرتے ہوئے سونے کا تمغہ اپنے نام کرنے میں کامیاب رہے۔ پاک فوج ان مشقوں میں تیسری بار سونے کا تمغہ حاصل کرنے میں کامیاب ہوا ہے۔