اسلام آباد(مانیٹرنگ ڈیسک)پولیس اہلکار صرف مظاہرین پرڈنڈے ہی نہیں برساتے بلکہ ٹھمکے بھی خوب لگاتے ہیں۔ تحریک انصاف کے دھرنے کا خطرہ ٹلا تو اسلام آباد میں لگے پولیس دربار میں اہلکاروں کے چھپے جوہر بھی سامنے آ گئے۔ایک نجی ٹی وی کے مطابق اسلام آباد میں پولیس دربار لگا تو پنجاب پولیس،اسلام آباد پولیس اور ایف سی اہلکاروں کی خوشی دیدنی نظر آئی۔
پولیس اہلکاروں نے ترانوں پر رقص اورنغموں پربھنگڑے ڈالے۔لاک ڈاؤن اسلام آباد روکنے کے لیے سخت ڈیوٹی کے بعد جشن کا موقع ملا تو خواتین اہلکاروں کا جوش و خروش بھی آسمان کو چھوتا نظر آیا۔گلوکار کے مقابلے میں خاتون اہلکار نے بھی خوب سر لگائے۔اس موقع پروفاقی وزیرداخلہ وزیرداخلہ چوہدری نثار کی جانب سے تعریفی اسناد سے بھی نوازا گیا۔واضح رہےکہ وفاقی وزیرداخلہ چوہدری نثارعلی خان مسلم لیگ (ن) کی حکومت میں سخت گیروفاقی وزیرسمجھے جاتے ہیں جوکبھی اصولوں پرسمجھوتہ نہیں کرتے ہیں ۔
