اسلام آباد(نیوز ڈیسک)نیوزی لینڈ کے بعد آسٹریلیا نے بھی اپنے 300سے زائد فوجی عراق بھیجنے کا اعلان کردیا۔یہ فوجی نیوزی لینڈ کے فوجیوں کے ساتھ مل کر عراقی فورسز کو تربیت فراہم کریں گے۔آسٹریلوی وزیر اعظم ٹونی ایبٹ کا کہنا ہے کہ آسٹریلیا داعش کو شکست دینے کے لیے عراق کی ہر ممکن مدد کو تیار ہے آسٹریلوی وزیر اعظم کا کہنا ہے کہ یہ فوجی نیوزی لینڈ کے فوجیوں کے ساتھ مل کر عراق جنگجوو¿ں کو تربیت فراہم کریں گے۔ کینبرا میں صحافیوں سے گفتگو کرتے ہوئے انکا کہنا تھا کہ آسٹریلوی فوجیں پہلے ہی سے داعش کےخلاف سرگرم ہیں مگر عراق میں داعش جیسی شدت پسند تنظیموں کو شکست دینے کے لیے بہت ضروری ہے کہ عراقی فوج کو معیاری تربیت فراہم کی جائے۔ انکا کہنا تھا داعش کی جلد از جلد شکست ہی تمام ممالک میں امن کی نوید ثابت ہوسکتی ہے۔