اسلام آباد (آئی این پی) وزیراعلی خیبرپختونخوا پرویز خٹک نے کہاہے کہ مجھے ڈرانے کیلئے کہا گیا کہ گورنر راج لگ سکتاہے ،میں نے بہت کرسیاں دیکھی ہیں یہ آنی جانی چیز ہے ،جب عمران خان کہیں گے کرسی کو لات مار دوں گا، کاش عمران خان دو یا تین دن اور دیتے تو آپ لوگوں کو تماشا دکھاتا ،ہم کفن لے کر اسلام آباد آئے تھے، اگر مجھے قتل کیا ہوتا تومیری لاش بھی بنی گالہ پہنچتی، حکومت نے پختونوں کو لڑانے کے لئے ایف سی کی تنخواہیں بڑھائیں۔بدھ کو اسلام آبادکے پریڈ گراونڈ میں یوم تشکر کے جلسے جلسے سے خطاب کرتے ہوئے وزیراعلی پرویز خٹک نے کہاہے کہ مجھے ڈرانے کیلئے کہا گیا کہ گورنر راج لگ سکتاہے ،میں نے بہت کرسیاں دیکھی ہیں یہ آنی جانی چیز ہے ،جب عمران خان کہے گا تو لات ماردوں گا کرسی کو ،یہ کس کو ڈراتے ہیں ،انہوں نے غلط پراپیگنڈہ کیا کہ پرویز خٹک نے پنجابیوں پر حملہ کیا ۔وزیراعلی کے پی کے کا کہناتھا کہ پنجابی میرے بھائی ہیں میرے دوست ہیں ،چوہدری نثار کو کہتاہوں کہ تمہار پنجاب میں کوئی دوست نہیں ہے ،پنجاب کا ہر گھر میرادوست اور بھائی ہے ،میری شادی بھی پنجاب میں ہوئی ہے ،
میں نے اپنی جوانی پنجاب میں گزاری تو میں پنجاب سے کیسے نفرت کرسکتاہوں ۔انہوں نے کہا کہ حکومت نے پختونوں کو لڑانے کے لئے تنخواہیں بڑھا دیں ۔ ان کی تنخواہیں 4 ماہ پہلے کیوں نہیں بڑھائی گئیں ۔ حکومت نے ہمارے احتجاج کے دوران پہلے ایف سی کو ہمارے سامنے کھڑا کردیا اور ہمارا راستہ روکنے کی کوشش کی اور پھر ان کی تنخواہیں بڑھا دیں ۔ پرویز خٹک نے کہا کہ مجھے کہا گیا کہ صوبے میں گورنر راج لگ رہا ہے ۔ عمران خان کے کہنے پر میں اپنی کرسی کو لات مارنے کے لئے تیار ہوں ۔ عمران خان موقع دیں تو ان کی حکومت کو توڑ کر دکھاتا ہوں ۔ ہم نے لاگ توڑ کر پاکستان کو ان لاک کر دیا ۔ انہوں نے کہا کہ عمران خان کے ساتھ کھڑے ہیں اور کھڑے رہیں گے ۔ پی ٹی آئی چیئرمین کا باؤنسر ان کرپٹ حکمرانوں کے سر پر لگ گیا ہے ۔ ان کرپٹ حکمرانوں کی جائیدادیں اور پیسہ پاکستان سے باہر ہے ۔ وزیر اعلیٰ خیبر پختونخوا نے کہا کہ مجھے شہباز شریف نے فون کیا اور کہا کہ آپ کی جب مرضی ہو اسلام آباد آجائیں ہم کشتیاں جلا کر گئے تھے اور ابھی تو بہت کچھ کرنا تھا ۔ لیکن کاش عمران خان ہمیں دو چار روز اور دے دیتے ۔ احتجاج کے دوران ہم نے حکومت کی طرف سے بند کئے گئے راستے کھول کر دکھایا اور یہ سب صرف میں نے نہیں کیا بلکہ میں نے صرف لیڈ کیا ہے ۔ انہوں نے کہا کہ میں نے بچپن پنجاب میں گزارا ہے میں پنجاب سے نفرت نہیں کر سکتا اور مجھے سارے پاکستان پر فخر ہے ۔ میں نے ساری عمر آنسو گیس کا تماشا دیکھا ہے اس لئے کوئی ہمارا راستہ نہیں روک سکتا ۔ ہم کفن لے کر آئے تھے اور میں نے کہا تھا کہ احتجاج کے دوران اگر مجھے قتل کر دیا گیا تو میری لاش بھی بنی گالہ پہنچے گی ۔ پرویز خٹک نے کہا کہ پاکستان کے اصل دشمن ملک میں موجود مغل بادشاہ ہیں ۔
