اسلام آباد (مانیٹرنگ ڈیسک) پاکستان تحریک انصاف کے سربراہ کی کال پر بنی گالہ پہنچنے والے کارکنوں کو ر وکنے کیلئے تعینات پولیس اور ایف سی کی نفری سے بچنے کیلئے مظاہرین نے نیا طریقہ ڈھونڈ لیا ہے ۔ ذرائع کے مطابق اسلام آباد پولیس کے اہلکار فی کس بندہ 500روپے لے کر کارکنان کو بنی گالہ جانے دے رہے ہیں ۔ پی ٹی آئی ورکرز کا کہنا ہے کہ اسلام آباد پولیس کے اہلکار فی کارکن 500روپے لے کر خان کی رہائش گا ہ جانے کی اجازت دے رہے ہیں ۔ اس حوالے سے سوشل میڈیا پر ایک ویڈیو بھی وائرل ہو چکی ہے جس میں ایک پولیس اہلکار کو 100روپے لے کر جیالے کو جاتے دیکھا جا سکتا ہے ۔
واضح رہے کہ پاکستان تحریک انصاف کی جانب سے اسلام آباد لاک ڈائون اور اس سے نمٹنے کیلئے کئے گئے حکومتی اقدامات سے پیدا شدہ صورتحال میں وفاقی دار الحکومت اسلام آبا د اور جڑواں شہروں میں چھٹی کا اعلان کر دیا ہے ۔ذرائع کے مطابق نجی سکول منیجمنٹ کی جانب سےجڑواں شہروں میں منگل اور بدھ کو عام تعطیل کا اعلان کیا گیا ہے ۔نجی سکول منیجمنٹ کے اعلان میں کہا گیا ہے کہ اساتذہ اپنے اپنے فرائض سرانجام دیتے رہیں گے ۔ ذرائع کا کہنا تھا کہ یہ فیصلہ موجودہ حالات کے پیش نظر کیا گیا ۔ واضح رہے کہ وفاقی دارالحکومت نے 2دھرنے کو روکنے کیلئے اسلام آباد کے داخلی و خارجی راستوں پر کنٹینرز کھڑے کرکے راستے بند کئے ہوئے ہیں ۔

موضوعات:اسلام آباد دھرنا