گوجر خان (این این آئی) گوجر خان پولیس دیکھتی رہ گئی تحریک انصاف کے ایم پی اے اعجاز چوہدری قافلے سمیت نکل گئے۔ تفصیلات کے مطابق لاہور سے تحریک انصاف کے رکن صوبائی اسمبلی اور تحریک انصاف پنجاب کے سابق صدر اعجاز چوہدری جو گزشتہ رات پیدل قافلہ لے کر جہلم پہنچے تھے گوجر خان پولیس کو جل دے کر قافلے سمیت اسلام آباد پہنچ گئے
جب کہ جی ٹی روڈ پر واقع بھائی خان پل پر پولیس کی بھاری نفری تعینات کی گئی تھی۔ ذرائع کے مطابق اعجاز چوہدری کو تحریک انصاف گوجر خان کے اراکین مسلسل معلومات فراہم کرتے رہے جس کے بعد اعجاز چوہدری نے اپنی حکمت عملی بدل ڈالی اور قافلے کوگاڑیوں میں بٹھا کر ایک ایک کر کے جہلم سے نکال دیا گیا اور ایس ایچ او سمیت پولیس کی نفری رات گئے تک اس قافلے کا انتظار کرتے رہے جب کہ یہ قافلہ اسلام آباد پہنچ چکا تھا۔
