پشاور(این این آئی)سابق وزیر اور رکن صوبائی اسمبلی ضیاء اللہ آفریدی نے عمران خان کے دو نومبرکے دھرنے کی حمایت کا علان کرتے ہوئے اسلام آباد کے لیے روانہ ہو گئے اپنی ہی حکومت میں پندرہ ماہ قید رہنے والے اور عمران خان سے ناراض رکن صوبائی اسمبلی ضیاء ا اللہ آفریدی بھی اسلام آباد اپنی حمایتی کارکنوں کے ہمراہ روانہ ہو ئے
اس موقع پر میڈیا سے گفتگو کرتے ہوئے ضیاء ا اللہ آفریدی کا کہنا تھا کہ وہ عمران خان کے نظریئے کی حمایت کرتے ہیں اور بدعنوانی کے خلاف جنگ میں خان صاحب کا ساتھ کسی صورت نہیں چھوڑیں گے ۔۔ دھرنے کے لیے وزیر اعلی خیبر پختونخوا پرویز خٹک کی قیادت میں نہیں جائیں گے اور اگر پنجاب حکومت نے انھیں روکنے کی کوشش کی تو انکے پاس متبادل پلان موجود ہیں
سابق صوبائی وزیر کے علاوہ پی ٹی آئی کے کارکنان مختلف ٹولیوں کی شکل میں دیگر رہنماؤں کی قیادت میں روانہ ہو ئے جس میں ایم پی ائے فضل الہی اپنی غلیل فورس کے ساتھ روانہ ہوئے اور کہا کہ انکی غلیل فورس پنجاب پولیس سے زیادہ بہادر ہے۔
