لاہور( این این آئی )متروکہ وقف املاک بورڈ کے چیئرمین صدیق الفاروق نے وفاقی وزیراطلاعات و نشریات کا عہدہ سنبھالنے کی خواہش کا اظہار کر دیا ۔گزشتہ روز لاہور میں میڈیا سے گفتگو کرتے ہوئے صدیق الفاروق نے قلمدان سنبھالنے کی خواہش ظاہر کر تے ہوئے کہا کہ اطلاعات کے لیے مجھ سے بہتر کوئی آپشن نہیں ۔انہوں نے اپنے پروفائل بھی میڈیا کے سامنے پیش کرتے ہوئے کہا کہ بطور پریس سیکرٹری وزیراعظم کے ہمراہ بھی کام کر چکا ہوں اس کے علاوہ صحافتی تجربہ بھی ہے ۔ واضح رہے کہ قومی سلامتی سے متعلق خبر لیک ہونے کے معاملے پر حکومت نے وزیراطلاعات و نشریات پرویز رشید سے عہدہ واپس لے لیا تھا۔