اسلام آباد(ایکسکلوژ رپورٹ) تازہ ترین میڈیا رپورٹس کے مطابق تحریک انصاف کے مرکزی رہنمائوں عارف علوی، عمران اسماعیل اور عمر چیمہ کو رہا کر دیا ہے ۔ واضح رہے کہ اب سے کچھ دیر قبل پولیس نے پاکستان تحریک انصاف کے مرکزی رہنماؤں عارف علوی، عمران اسماعیل اور عمر چیمہ کو گرفتار کر لیا تھا۔ نجی ٹی وی رپورٹ کے مطابق پولیس نے تحریک انصاف کے مرکزی رہنماؤں کو بنی گالہ جانے سے روک دیا تو تینوں مرکزی رہنماء وہاں دھرنا دے کر بیٹھ گئے جس پر پولیس نے تینوں رہنماؤں کو زبردستی گرفتار کرکے نا معلوم مقام پر منتقل کر دیا۔ نجی ٹی وی رپورٹ کے مطابق عارف علوی،عمران اسماعیل اور عمر چیمہ کو دھرنا دے کر بیٹھنے پر گرفتار کر لیا گیا ہے۔ واضح رہے کہ تحریک انصاف کے مرکزی رہنماء بنی گالہ جانے چاہتے تھے۔اطلاعات کے مطابق پی ٹی آئی کے رہنمائوں کو وزیر داخلہ کے کہنے پر چھوڑا گیا ہے ۔ ذرائع کا یہ بھی کہناتھا کہ وزیر داخلہ نے یہ رہائی کا پروانہ کسی اور کے کہنے پر جاری کیا ہے تاہم ابھی اس حوالے سے واضح اطلاعات موجود نہیں ہیں ۔

موضوعات:2 نومبر دھرنا چوہدری نثار