اسلام آباد(ایکسکلوژو رپورٹ) پاکستان تحریک انصاف کے سربراہ عمران خان کی سابق اہلیہ ریحام خان نے اہم انکشافات کر ڈالے۔ تفصیل کے مطابق نجی ٹی وی پروگرام میں میزبان سے گفتگو کرتے ہوئے ریحام خان نے انکشاف کیا کہ تحریک انصاف کی جانب سے بہت عرصے تک ہماری شادی کی تردید کی جاتی رہی لیکن اصل میں ہماری شادی بہت پہلے ہو چکی تھی۔ریحام خان نے کہاہے کہ عمران خان سے شادی کی سالگرہ کا تحفہ مانگاتوانہوں نے طلاق دیدی اللہ کرے کہ پاکستان کو ایسا تحفہ نہ دیں۔میڈیاسے گفتگو کرتے ہوئے ریحام خان نے کہاکہ اللہ کرے ، خیریت ہو ،مذاق میں کہاتھاکہ شادی کی سالگرہ پر کیا تحفہ دیں گے جس پر انہوں نے سالگرہ کے موقع پر طلاق بھیج دی، اللہ کرے کہ پاکستان کو ایساتحفہ نہ دیں۔ نجی ٹی وی پروگرام میں گفتگو کرتے ہوئے ریحام خان نے انکشاف کیا کہ مجھے 31 اکتوبر کو عمران خان نے شادی کی سالگرہ کے موقع پر ہی طلاق دی تھی۔ واضح رہے کہ جنوری 2015 ء کے شروع میں عمران خان کی جانب سے ریحام خان کے ساتھ شادی کا اعلان کیا گیا تھا لیکن در اصل یہ شادی اکتوبر 2014 ء میں ہو چکی تھی اور اسے تقریباََ دو ماہ سے زائد تک لوگوں سے چھپا کر رکھا گیا تھا۔