سرینگر(این این آئی)مشال ملک کے گھر خوشیوں کا سماں ، بڑا فیصلہ آگیا , جموں کشمیر لبریشن فرنٹ کے چیئرمین یاسین ملک کو قابض بھارتی فوج نے 4 ماہ بعد رہا کر دیا۔کشمیر میڈیا سروس کے مطابق جموں کشمیر لبریشن فرنٹ کے چیرمین اور حریت رہنما یاسین ملک کو 4 ماہ بعد رہا کردیا گیا ہے۔ جموں و کشمیر لبریشن فرنٹ کے ترجمان نے یاسین ملک کی رہائی کی تصدیق کرتے ہوئے بتایا کہ سینٹرل جیل میں قید حریت رہنما کو گزشتہ شام رہا کیا گیا جس کے بعد وہ اپنے گھر بھی پہنچ گئے ۔حریت رہنما یاسین ملک کو بھارتی قابض فوجیوں نے رواں برس 8 جولائی کو گرفتار کیا تھا اور انہیں بیماری کے دوران غلط انجکشن لگانے کا بھی انکشاف ہوا تھا جس کی وجہ سے ان کے بازو میں انفیکشن ہو گیا تھا۔ یاسین ملک سورا میڈیکل انسٹی ٹیوٹ میں زیر علاج تھے جہاں سے انہیں گزشتہ روز سینٹرل جیل منتقل کیا گیا۔

موضوعات:یاسین ملک بازیاب