اسلام آباد(آئی این پی)وفاقی دارالحکومت کے علاقے بنی گالا میں تحریک انصاف کے کارکنوں اور پولیس میں تصادم کاسلسلہ جاری،مظاہرین کی طرف سے پتھرا?، پولیس کو آنسو گیس کی شیلنگ اور لاٹھی چارج کا سہارا،متعدد افراد زخمی،10سے زائد کارکنوں کو گرفتار کرلیا گیا۔تفصیلات کے مطابق ہفتہ کو بھی بنی گالا میں تحریک انصاف کے کارکنوں اور پولیس میں تصادم کا سلسلہ جاری رہا،شام ڈھلے پاکستان چوک پر تحریک انصاف کی طرف سے پولیس پر پتھرا? کیا گیا،جس کے بعد ایف سی اور پولیس کے اہلکار بھی مظاہرین پر ٹوٹ پڑے اور لاٹھی چارج کے ساتھ ساتھ آنسو گیس کی شیلنگ بھی کی جسمیں متعدد افراد زخمی ہوگئے جبکہ پولیس نے 10سے زائد کارکنوں کو گرفتار کرکے تھانے منتقل کردیا۔