لاہور ( این این آئی) پاکستان رینجرز پنجاب کے بہادر اور مستعدجوانوں نے قصور سیکٹر میں کیلون کے مقام پربھا رت کی طر ف سے انڈین شرا ب اور اسلحہ پا کستان ا سمگل کر نے کی کو شش نا کا م بنا دی ، فائرنگ کے تبادلے میں دو اسمگلر ہلاک ، دو اندھیرے اور جھاڑیوں کو فائدہ اٹھائے ہوئے بھارت کی جانب فرار ہونے میں کامیاب ہو گئے ، 100سے زائدبوتل بھارتی شراب،2موبائل فون اور اسلحہ اپنے قبضہ میں لے لیا گیا ۔ تفصیلات کے مطابق جمعہ کے روز نصف شب کے قریب بھارت کی جانب سے چند افراد کی مشکوک حرکات و سکنات دیکھی گئیں۔ پنجا ب رینجر ز کے چوکناجوانوں کے للکا رنے پر مشتبہ افر اد نے فائرنگ شروع کر دی ۔ پاکستان رینجرز (پنجاب) کی جوابی فائرنگ سے دواسمگلر موقع پر ہلاک ہو گئے جبکہ دو اسمگلراندھیرے اور جھاڑیوں کا فائدہ اٹھاتے ہوئے بھارت کی جانب فرار ہونے میں کامیاب ہو گئے۔علاقہ کی تلاشی کے دوران پاکستان رینجرز (پنجاب) کے جوانوں نے 100سے زائدبوتل بھارتی شراب،2موبائل فون اور اسلحہ اپنے قبضہ میں لے لیاجبکہ مارے جانے والے اسمگلروں کی لاشیں تفتیش کے لئے مقامی حکام کے حوالے کر دی گئیں۔اس حوالے سے تحقیقات جاری ہیں لیکن ابتدائی تحقیقات سے عیاں ہے کہ سرحد کے آر پاراسمگلروں کی آمد ورفت میں کوئی رکاوٹ نہیں، جو کہ بھارتی بارڈر سکیورٹی فورس کی ایما کے بغیر ممکن نہیں۔اس سے پتہ چلتا ہے کہ بھارت کو ہیروئن کی اسمگلنگ میں بھی ملتا جلتا طریقہ اپنایاجاتا ہے۔ ڈائریکٹر جنرل پاکستان رینجرز (پنجاب)میجر جنرل عمر فاروق برکی نے پنجاب رینجرز کے جوانوں کی فوری اور مؤثر کارروائی اور فرض شناسی کو سراہااور اس ناپاک دھندے کا قلع قمع کرنے کے عزم کا اعادہ کیا۔

موضوعات:رینجرز