اسلام آباد(مانیٹرنگ ڈیسک) عوامی مسلم لیگ کے سربراہ شیخ رشید جب پولیس کوماموں بناکرکمیٹی چوک پرجلسے سے خطاب کرنے پہنچے تواس وقت بھی پولیس بے خبرتھی کہ جس اہم شخصیت کی ان کوتلاش ہے وہ ان کے پاس ہی موجود ہے ۔ایک نجی ٹی وی کے مطابق راولپنڈی میں پولیس شیخ رشید کوروکنے کےلئے جن راستوں پرکھڑی تھی وہ راستے شیخ رشید نے استعما ل ہی نہیں کئے اورایک موٹرسائیکل پرکمیٹی چوک پہنچے وہاں پرعوامی مسلم لیگ کے کارکنوں نے ان کی ہدایت کے مطابق وہاں موجود تھے جس کے بعد شیخ  رشید بھاگ کرمیڈیاوالوں کے پاس پہنچ گئے اورخطاب کرنے کے بعد فوری طورپروہاں سے بھاگ کرایک مرتبہ پھرنامعلوم جگہ پرمنتقل ہوگئے جبکہ پولیس نے دعوی کیاہے کہ شیخ رشید کی گرفتاری کےلئے ان کوکوئی احکامات جاری نہیں کئے گئے ۔