اسلام آباد(ایکسکلوژورپورٹ) نجی ٹی وی پروگرام میں سینئر سیاستدان اسد عمر نے بڑی بات کہہ دی۔ تفصیل کے مطابق نجی ٹی وی پروگرام میں گفتگو کرتے ہوئے سینئر سیاستدان اسد عمر نے کہا پاکستان کو تباہ و برباد کرنے میں جو بنیادی وجہ ہے وہ کرپشن ہے۔ اداروں کو جس طریقے سے تباہ کیا جا رہا ہے اس پر سب کو یقین ہے۔ حکومت کی پالیسی ایسی ہے کہ ادارون کو تباہ کر دو، اداروں کو کام نہ کرنے دو۔ اسد عمر نے کہا کہ اب وقت ہے کہ ہم کھڑے ہو جائیں اور سیاہ و سفید میں سے ایک پوزیشن لیں۔ سینئر سیاستدان اسد عمر نے نجی ٹی وی پروگرام میں گفتگو کرتے ہوئے کہا کہ میں یہاں بیٹھ کر بول رہا ہوں کہ اگر میرے بھائی ، وہ بھائی جن کے ساتھ میں نے سب سے زیادہ وقت گزارا ہے ، جتناوقت زبیر بھائی نے مجھے دیا ہے اتنا کسی نے نہیں دیا۔ لیکن مجھے یہ سکھایا گیا ہے کہ ملک اور قوم کی جب بات آتی ہے تو ملک اور قوم پہلے ہوتے ہیں اور خاندان بعد میں ہوتے ہیں۔ اسد عمر نے کہا کہ میرا بھائی بھی اگر کرپشن کرے تو اس کیخلاف سب سے پہلے میں کھڑا ہوں۔ واضح رہے کہ سینئر سیاستدان اسد عمر کے بھائی زبیر عمر پاکستان مسلم لیگ(ن) کی جانب سے سیاست کر رہے ہیں۔