اسلام آباد(مانیٹرنگ ڈیسک)مسلم لیگ (ن) کے رکن قومی اسمبلی اوروزیراعظم کے داماد کیپٹن (ر) محمد صفدرنے کہاہے کہ دھرنے والوں کا اصل نشانہ نواز شریف نہیں گوادر بندرگاہ ہے، یہودیوں کے ایجنٹ نہیں چاہتے پاکستان ترقی کرے، ایک پائی کرپشن ثابت ہوجائے تو سزا بھگتنے کیلئے تیار ہوں۔اسلام آبادمیں میڈیاسے گفتگوکرتے ہوئے مسلم لیگ (ن) کے رکن قومی اسمبلی کیپٹن(ر) محمد صفدر نے پی ٹی آئی کے چیرمین عمران خان کو یہودیوں کا ایجنٹ قرار دے دیا،انہوں نے کہا کہ احتجاج کا اصل نشانہ نواز شریف نہیں گوادر بندرگاہ ہے، یہ لوگ نہیں چاہتے پاکستان ترقی کرے، نواز شریف 2018ء تک وزیراعظم رہیں گے۔انہوں نے کہاکہ اگر ایک پائی کرپشن ثابت ہو تو سزا بھگتنے کو تیار ہیں، لوگوں کی ماؤں بیٹیوں کے نام عزت سے لینا چاہئیں، ان کی بھی ایک بیٹی ہے جو پاکستان آسکتی ہے۔