اسلام آباد(مانیٹرنگ ڈیسک) لال مسجد کے ترجمان حافظ احتشام نے پیرکے روزکہاہے کہ اسلام آبادکے لاک ڈائون میں تحریک انصاف کوسپورٹ کیاجائے گا۔انہوں نے کہاکہ موجودہ حکومت اسلام اورملک کے حوالے اپنی حدود سےتجاوزکرگئی ہے ۔حافظ احتشام نے کہاکہ  شہدافائونڈیشن کی سینٹرل ایگزیٹوکونسل نے فیصلہ کیاہے کہ 2نومبرکوتحریک انصاف کے اسلام آباد لاک ڈائون کی حمایت کی جائے گی ۔لال مسجد کے ترجما ن نے کہاکہ نوازحکومت کی حکومتی سکیورٹی کے حوالے سے سازشیں قومی سکیورٹی اداروں کے لئے خطرناک ہیں اوراب وقت آگیاہے کہ نوازحکومت سے چھٹکاراپالیاجائے ۔ترجمان نے مزید کہاکہ موجود ہ حکومت امریکہ اوربھارت کوخوش کرنے کےلئے مذہبی جماعتوں کےخلاف ایکشن لیتی ہے ۔ترجما ن نے مزید کہاکہ شہدافائونڈیشن تحریک انصاف کی سپورٹ میں مزید اضافہ کرے گی ۔اس سے قبل جماعت دعوۃ اوراہل سنت والجماعت بھی تحریک انصاف کے اسلام آبادکے احتجاج کی حمایت کرچکی ہیں ۔

موضوعات:تحریک انصاف شہدافائونڈیشن