اسلام آباد(ایکسکلوژو رپورٹ) پاکستان تحریک انصاف کے سربراہ عمران خان نے بڑا دعویٰ کر ڈالا۔ تفصیل کے مطابق پاکستان تحریک انصاف کے سربراہ عمران خان نے میڈیا سے گفتگو کرتے ہوئے دعویٰ کیا کہ نواز شریف خود کو بچانے کیلئے امریکہ و اسرائیل سے مدد مانگ رہے ہیں۔ عمران خان نے کہا کہ وہ زبان جو مودی بول رہا تھا اب وہی امریکہ بھی بولنے لگ گیا ہے کہ افغانستان میں جو کچھ ہو رہا ہے وہ آئی ایس آئی کروا رہی ہے۔ عمران خان نے دعویٰ کیا کہ نواز شریف اپنی ذات کو بچانے کیلئے اسرائیل، بھارت اور امریکہ سے مدد کی اپیل کر رہا ہے۔ نواز شریف نے امریکیوں، بھارتیوں اور اسرائیلوں سے کہا ہے کہ مجھے بچاؤ اور میری مدد کرو۔ عمران خان نے مزید کہا کہ جب بھی وزیر اعظم نواز شریف کے خلاف کچھ ہونے جارہا ہوتا ہے تو یا تو لائن آف کنٹرول پر کچھ ہونا شروع ہوجاتا ہے یا پھر دھماکے ہونا شروع ہوجاتے ہیں، اس حوالے سے پارٹی اجلاس میں غور کیا گیا۔انہوں نے کہا کہ امریکا کی جانب سے پاکستانی فوج اور آئی ایس آئی کے خلاف آنے والے بیان کا جواب دینا وزیر دفاع کا کام ہے لیکن وہ نواز شریف کی کرپشن بچانے کے لیے جواب دے رہے ہیں اور شوکت خاتم پر الزامات لگارہے ہیں۔

موضوعات:2 نومبر دھرنا