اسلام آباد(ایکسکلوژو رپورٹ) نجی ٹی وی پروگرام میں سینئر صحافی حامد میر نے اہم انکشافات کر دیئے۔ تفصیل کے مطابق نجی ٹی وی پروگرام میں گفتگو کرتے ہوئے سینئر صحافی حامد میر نے انکشاف کیا کہ مجھے ایک اہم شخصیت نے بتایا ہے کہ میں نے یہ آرمی چیف جنرل راحیل شریف سے پوچھ کر مصطفی کمال کیخلاف پریس کانفرنس کی ہے، میں نے آرمی چیف جنرل راحیل کو اعتماد میں لے کر گفتگو کی ہے۔ اس میں انہوں نے ایشو اشفاق منگی کو بنایا ہے۔ حامد میر نے کہا کہ اس شخصیت کا کہنا ہے کہ مجھے مصطفی کمال سے کوئی ذاتی مسئلہ نہیں ، اشفاق منگی وہ بندہ ہے جس کے گھر پر فائرنگ ہوئی تھی اور وہ اپریل میں پاک سرزمین پارٹی میں شامل ہو گیا تھا۔ حامد میر نے انکشاف کیا کہ گورنر سندھ کا یہ کہنا ہے کہ اشفاق منگی کراچی میں ناجائز اسلحہ سمگلنگ کرنے والا بندہ ہے اوررینجرز نے اس پر مقدمہ بھی درج کیا ہوا ہے۔ حامد میر نے کہا کہ عشرت العباد کا کہنا ہے کہ جو بھی مجرم پی ایس پی میں چلا جاتا ہے وہ ڈرائی کلین ہو جاتا ہے اور یہ تاثر پیدا ہو رہا ہے کہ پی ایس پی کے پیچھے اسٹیبلشمنٹ ہے۔ اس تاثر کو دور کیا جائے۔

موضوعات:جنرل راحیل شریف عشرت العباد مصطفی کمال