کوئٹہ ( این این آئی ) ضلع گوادر کے علاقے جیونی میں نامعلوم افراد کی فائرنگ سے کوسٹ گارڈز کے دو اہلکار جاں بحق دو زخمی ۔ تفصیلات کے مطابق اتوار کی شب ضلع گوادر میں نامعلوم مسلح افراد جو موٹر سائیکلوں پر سوار تھے تحصیل جیونی میں کوسٹ گارڈ کے دو اہلکاروں کو فائرنگ کرکے ہلاک کردیا جبکہ فائرنگ کے زد میں آکر دو افراد بھی زخمی ہوگئے ملزمان موقع سے فرار ہونے میں کامیاب ہوگئے واقعے کی اطلاع ملتے ہی سیکورٹی فورسز اور کوسٹ گارڈکے اہلکاروں نے علاقے کی ناکہ بندی کرکے ملزمان کی تلاش شروع کردی ہے ۔