اسلام آباد (مانیٹرنگ ڈیسک)پاکستان مسلم لیگ کے رہنما چوہدری شجاعت اور پرویز الہٰی نے کپتان کو خوشخبری سناتے ہوئے کہا ہے کہ ہماری پارٹی اسلام آباد میں ہونے والے دھرنے میں تحریک انصاف کے ساتھ ساتھ ہے ۔ پرویز الہٰی کا کہنا تھا کہ ہم باقی جماعتوں کو احتجاج میں شرکت کی دعوت دے رہے ہیں تو یہ کیسے ممکن ہے کہ ہم خود شرکت نہ کریں ۔ پارٹی کے چیف الیکشن کمشنر کامل آغاز نے پارٹی انتخابات منعقد کروائے، جس میں چوہدری شجاعت حسین بلا مقابلہ صدر جبکہ پرویز الہیٰ پارٹی صدر منتخب ہوئے ، دوسری طرف سینئر رہنما مشاہد حسین سید پارٹی کی قیادت سے ناراض دکھائی دیتے ہیں۔ میڈیا سے گفتگو کر تے ہوئے پرویز الٰہی کا کہنا تھا کہ اگر حکمرانوں سے ملک اور فوج کو بچانا ہے تو سب کو عمران خان کا ساتھ دینا ہو گا ۔ انہوں نے مزید کہا ہے کہ سانحہ ماڈل ٹائون میں ہونے والی 16افراد کی شہادت آج بھی عوام کی شہادت کو فراموش نہیں کیا جاسکتا ۔

موضوعات:پرویز الٰہی عمران خان