اسلام آباد(نیوز ڈیسک) برطانوی شہزادہ ویلیم جاپان کے بعد چین کے چار روزہ دورے پر بیجنگ پہنچ گئے۔ برطانوی شہزادہ ویلیم جاپان میں چار دن گزارنے کے بعد اب بیجنگ پہنچے ہیں۔برطانوی شہزادہ ولیم نےدورہ چین میں روایتی کورٹیارڈ گئے جسے اب عجائب گھر میں تبدیل کردیا گیا ہے۔ پرنس ولیم کے والد پرنس چارلس کے چائنا فاونڈیشن سے اس میوزیم کو عطیات فراہم کیے جاتے ہیں۔ چار روزہ دورے کے دوران شہزادہ ولیم چین میں تاریخی مقامات اور شنگھائی فیسٹول سمیت مختلف تقریبات میں شرکت کریں گے۔ وہ چینی حکام کے ساتھ دوطرفہ تعلقات کو فروغ دینے سے متعلق امور پر تبادلہ خیال کریں گے۔برطانوی شاہی خاندان کے کسی فرد کا تیس سال میں چین کا یہ پہلا دورہ ہے۔ برطانوی ملکہ الزبتھ دوئم اور ان کے شوہر پرنس فلپ نے انیس سو چھیاسی میں چین کا دورہ کیا تھا۔