لاہور(آئی این پی) جسٹس ( ر) وجیہہ الدین نے کہاہے کہ حکومت کو اپنا موقف وضع کرنا ہو گا وہ سپریم کورٹ کے فیصلے پر عمل کرے گی‘سپر یم کورٹ کو بھی اختیار ہے وہ تحر یک انصاف کو کہہ سکتی ہے کہ معاملہ ہمارے پاس ہے آپ اپنا احتجاج ختم کریں ۔جمعرات کے روز گفتگو کرتے ہوئے جسٹس ( ر) وجیہہ الدین نے کہا کہ جب حکومت کی طرف سے سپریم کورٹ کو فیصلہ ماننے کی یقین دہانی کروا دی جائے تو اس کے بعد سپریم کورٹ کو یہ اختیار حاصل ہے کہ وہ تحر یک انصاف کو حکم دیں کہ اب یہ معاملہ ہمارے پاس ہے ،لہذا آپ احتجاج کے اعلان کو ملتوی کردیں ،پہلے عدالت میں قانونی چارہ جوئی کریں ،جو بھی فیصلہ آئے اس کا انتظار کریں اور اس کے بعد آئین کے دائرہ کار میں رہتے ہوئے اپنا سیاسی عمل جاری رکھیں ۔

موضوعات:احتجاجی دھرنا