پشاور(این این آئی)خیبرپختونخوا کے معزول وزیر ضیاء اللہ آفریدی نے کہا ہے کہ جیل سے رہا ہونے کے بعد اب تمام توجہ تعمیر پشاور پر دونگا۔ عمران خان سے گلہ ہے ، پشاوریوں نے منتخب کیا اور خان صاحب پشاور ہی کو بھول گئے۔خیبرپختونخوا کے معزول وزیر ضیا ء اللہ آفریدی نے پشاور میں پریس کانفرنس سے خطاب کرتے ہوئے کہا کہ اسیری کے بعد تعمیر پشاور پرتوجہ دیں گے۔ انہوں نے کہا کہ ڈیل اللہ کے ساتھ ہوئی وزیر اعلی سے نہیں۔ انہوں نے کہا کہ خان صاحب کو جاگنا ہوگا صوبے میں بہت کچھ غلط ہو رہاہے۔ بلدیات کا وزیر سارا فنڈ اپنے حلقے لے گیا جبکہ ایریگیشن کے زیادہ فنڈزنوشہرہ میں لگائے جارہے ہیں۔انہوں نے کہا کہ خان صاحب کو پشاوریوں نے منتخب کیا تاہم اب وہ پشاور کو ہی بھول گئے۔ ضیاء اللہ افریدی کا کہنا تھا کہ انہوں نے جو منصوبے شروع کیے سارے ادھورے رہ گئے۔ انہوں نے کہا ہے انکے پریس کانفرنس کے بعد سب تردید ہی کرینگے۔

موضوعات:خیبرپختونخوا عمران خان