اسلام آباد (این این آئی)تحریک انصاف اسپیکر قومی اسمبلی کی جانب سے وزیر اعظم نااہلی کے ریفرنسز مسترد کرنے کے فیصلے کے خلاف اسلام آباد ہائی کورٹ میں اپیل دائر کرے گی۔تفصیلات کے مطابق تحریک انصاف کے اراکین اسمبلی کی جانب سے وزیر اعظم کی نا اہلی کے لیے اسپیکر قومی اسمبلی کے پاس دو ریفرنس دائر کیے تھے۔ اسپیکر قومی اسمبلی نے ریفرنسز پر وزیر اعظم کی نا اہلی کا سوال نہ اٹھانے کی رولنگ دی تھی۔ تحریک انصادف کے رہنما و ممتاز قانون دان حامد خان نے اسپیکر کے فیصلے کے خلاف اپیل کا مسودہ تیار کر لیا ہے۔ تحریک انصاف کے اراکین اسمبلی کے دستخطوں کے بعد اپیل اسلام آباد ہائی کورٹ میں دائر کی جائے گی۔ ایڈووکیٹ حامد خان کے مطابق اسپیکر قومی اسمبلی نے وزیر اعظم کی نا اہلی کے حوالے سے ہمارے ریفرنسز مسترد کر کے امتیازی سلوک کیا جس کے خلاف اپیل جلد اسلام آباد ہائی کورٹ میں دائر کی جائے گی۔

موضوعات:وزیر اعظم