لاہور( این این آئی)پاکستان تحریک انصاف کے سربراہ عمران خان نے پنجاب کے 10اضلاع میں بلدیاتی انتخابات میں امیدواروں کو ٹکٹیں دینے کا اختیار وسطی پنجاب کے صدر عبد العلیم خان کو سونپ دیا ۔ عبد العلیم خان کولاہور ، قصور ،شیخوپورہ ، ننکانہ صاحب،گوجرانوالہ ،گجرات ، حافظ آباد، منڈی بہاؤ الدین ،سیالکوٹ اور نارووال کی ذمہ داری سونپی گئی ہے ۔ دس اضلاع میں میئر ، ڈپٹی میئر ،چیئرمین ، وائس چیئرمین اور اقلیت اور دیگر ونگز کیلئے امیدواروں کاچناؤ اور انہیں ٹکٹیں دی جائیں گی ۔ پی ٹی آئی نے تحریک انصاف کے سربراہ کی طرف سے جاری کئے گئے نوٹیفکیشن کی کاپی الیکشن کمیشن پنجاب کے دفتر میں بھی جمع کر ادی ہے ۔