اسلام آباد(مانیٹرنگ ڈیسک )ویسٹ انڈیز کے خلاف دوسرے ٹیسٹ میچ کے لیے پاکستانی اسکواڈ کا اعلان کر دیا گیا ۔ یونس خان کو ٹیم میں شامل کرلیا گیا ۔پاکستان اور ویسٹ انڈیز کے درمیان تین ٹیسٹ میچوں کی سیریز کا دوسرا ٹیسٹ 21 سے 25 اکتوبر ابوظبی میں کھیلا جا ئے گا ۔پہلے ٹیسٹ کے لیے منتخب 14 رکنی اسکواڈ کو برقرار رکھتے ہوئے یونس خان کو بھی اسکواڈ میں شامل کر لیا گیا ہے،یونس خان ڈینگی بخار کی وجہ سے پہلے ٹیسٹ سے دستبردار ہو گئے تھے ۔ٹیم مصباح الحق ، سمیع اسلم ، اظہر علی ، یونس خان ، اسد شفیق ، بابر اعظم ، سرفراز احمد ، محمد نواز، یاسر شاہ ، ذوالفقار بابر ، محمد عامر، وہاب ریاض ، سہیل خان ، عمران خان
اورراحت علی پر مشتمل ہے