کابل(نیوز ڈیسک)آپ نے پرانے زمانے میں جنگوں میں اپنے دشمن سے بچانے کے لئے آ ہنی ذرہ کے استعمال کا تو سنا ہو گا لیکن افغانستان میں ایک خاتون اداکارہ نے خود کو جنسی زیادتی سے بچانے کے لئے آ ہنی ذرہ زیب تن کر لیا ہے۔افغانستان میں خواتین کو جنسی طور پر ہراساں کرنے واقعات میں تیزی سے اضافے کے بعد افغان اداکارہ کبریٰ خادمی نے اس لعنت کا تدارک کرنے کے لیے خاص طور پر ایسی آ ہنی زرہ تیار کرائی ہے جسے وہ گھر سے باہر نکلتے ہوئے اپنا حسن ڈھانپنے کے لیے استعمال کرتی ہیں۔ جب کبریٰ یہ آہنی ذرہ پہن کر کابل کی گلیوں اور بازاروں میں آئیں تو انہیں اس حالت میں دیکھنے کے لیے سیکڑوں منچلے جمع ہو گئے۔کبریٰ خادمی کا اپنے اس جرات مندانہ اقدام پر کہنا ہے کہ انھوں نے اپنے ملک میں جنسی طور پر ہراساں کیے جانے کے بڑھتے ہوئے رحجان کے خلاف بطور احتجاج آ ہنی لباس تیار کرایا ہے۔