لاہور( این این آئی)ویسٹ انڈیز کے خلاف ٹی ٹونٹی میں سیریز میں کامیابی کے ساتھ پاکستانی کھلاڑیوں نے ریکارڈز بھی اپنے نام کئے ۔ قومی باؤلر سہیل تنویر ٹی ٹونٹی انٹرنیشنل میں وکٹوں کی 50 مکمل کرنے والے پاکستان کے چوتھے باؤلر بن گئے ، انہوں نے حریف ٹیم کے بیٹسمین لوئس کو آؤٹ کرکے یہ اعزاز حاصل کیا ۔ ان سے قبل شاہد آفریدی ، عمر گل اور سعید اجمل یہ اعزاز حاصل کر چکے ہیں ۔شعیب ملک ٹی ٹونٹی کرکٹ میں 1500 رنز بنانے والے تیسرے پاکستانی بلے باز بن گئے ۔ شعیب ملک نے ویسٹ انڈیز کے خلاف 37 رنز کی اننگز کھیل کر کیرئیر کا مجموعی سکور 1502 رنز کر لیا ۔ ان سے قبل صرف محمد حفیظ اور عمر اکمل ہی یہ سنگ میل عبور کر پائے ہیں۔

موضوعات:سہیل تنویر شعیب ملک