ممبئی(نیوز ڈیسک) کرینہ کپور اور رنبیر کپور کے کزن ارمان جین کو تقسیم ہند کے حوالے سے بننے والی تاریخی فلم ‘جنے لاہور نئیں ویکیا او جمیاں ای نئیں’ میں کام کی پیشکش کی گئی ہے۔ارمان جین جو اس سے قبل عارف علی کی فلم ‘لے کر ہم دیوانہ دل’ میں کام کرچکے ہیں،
ان کا کہنا ہے کہ فلم کا اسکرپٹ سننے پر انھیں یہ بہت اچھی لگی اور وہ فلم سائن کرنے کے لیے بالکل تیار ہیں۔ارمان نے راجکمار سنتوشی کے ساتھ کام کرنا اپنے لیے ایک اعزاز قرار دیا۔فلم کی مزید تفصیلات بتانے سے گریز کرتے ہوئے ارمان نے کہا کہ فلم کی کاسٹ کافی بڑی ہے تاہم وہ ابھی دیگر اداکاروں کے بارے میں نہیں جانتے، ہاں لیکن وہ خود اس فلم میں کام کرنے کے لیے بے تاب ہیں۔