ممبئی(نیوز ڈیسک)بالی ووڈ اداکارہ کترینہ کیف نے کہا ہے کہ ایور گرین اداکارہ ریکھا کی دلکشی اور گرمجوشی دیکھ کر حیران رہ جاتی ہوں۔ میڈیا سے گفتگو کرتے ہوئے کترینہ نے کہا کہ جب بھی ریکھا سے ملتی ہوں تو میں ان کی گرمجوشی’ دلکشی اور زندگی کے حوالے سے ان کا ولولہ دیکھ کر حیران رہ جاتی ہوں۔ انہوں نے کہا کہ میرا اور ریکھا کا فلموں میں ایک ساتھ وقت ہمیشہ بہت اچھا گزرا ہے اور آئندہ بھی بہت اچھا گزرے گا۔ انہوں نے کہا کہ میں انڈسٹری میں مقابلے بازی پر یقین نہیں رکھتی کیونکہ بے شمار فلمیں بنتی ہیں اور کامیابی کبھی کسی ایک اداکارہ کے پاس ہوتی ہے اور کبھی دوسری کے پاس یہی وجہ ہے کہ پوزیشن گیم کے چکر میں پڑ کر خود کو ہلکان نہیں کرنا چاہئے۔