اسلام آباد(نیوز ڈیسک) عراق میں امریکا کی سربراہی میں اتحادیوں کی فضائی کارروائی کے نتیجے میں 17 داعش جنگجو ہلاک جبکہ 29 زخمی ہوگئے۔عرب نیوز چینل کے مطابق امریکا کی سربراہی میں اتحادی ممالک کے طیاروں نے شام کی سرحد سے ملحقہ عراق کے شہر القائم میں بمباری کی، جس کے نتیجے میں داعش کے 17 جنگجوو¿ں سمیت 26 افراد ہلاک جب کہ 29 زخمی ہوگئے۔ عرب چینل نے دعویٰ کیا ہے کہ اتحادی ممالک کی کارروائی کے وقت داعش کے سربراہ ابوبکر البغدادی بھی وہیں موجود تھے تاہم ان کی ہلاکت یا زخمی ہونے سے متعلق کسی قسم کی تصدیق یا تردید نہیں ہوسکی۔