لاہور(مانیٹرنگ ڈیسک) قومی ون ڈے ٹیم کے کپتان اظہر علی کے خاندانی ذرائع نے ان کے کپتانی چھوڑنے کے حوالے سے میڈیا میں گردش کرنے والی خبروں کی تردید کرتے ہوئے بتایا کہ وہ پی سی بی کے فیصلے کا انتظار کریں گےاوران کے مستعفی ہونے کی تاریخ بھی بتادی۔اس سے قبل اظہر علی کے حوالے سے خبریں زیرگردش تھی کہ انگلینڈ کے خلاف ون ڈے سیریز میں ناکامی کے بعد ٹیم مینجمنٹ نے ان سے استعفیٰ دینے کے لیے دباؤ ڈالا ۔ میڈیا اور سینئر کھلاڑیوں کی جانب سے بھی ہدف تنقید بننے پر اظہر علی نے کپتانی چھوڑنے کا فیصلہ کیا جس کیلئے انہوں نے اہل خانہ اور دوستوں سے مشاورت کی ۔ ذرائع کا یہ بھی کہنا تھا کہ اظہر علی کپتانی چھوڑنے کا اعلان 10 ستمبر کو وطن واپسی کے موقع پر کریں گے۔