نیویارک( مانیٹرنگ ڈیسک ) امریکہ میں نیشنل فٹ بال لیگ کلب سان فرانسسکو 49ارز نے فل بیک بروس ملر کو دو افراد پر حملے کے شبہ میں گرفتاری کے بعد برطرف کر دیا۔ 29 سالہ ملر کو 70 سالہ باپ اور اس کے بیٹے کو مبینہ طور پر تشدد کرنے کے الزام میں گرفتار کیا گیا تھا۔ امریکی میڈیا رپورٹ کے مطابق دو افراد نے سان فرانسسکو کلب کے فٹ بالر ملر پر الزام عائد کیا تھا کہ اس نے ان دونوں پر تشدد کیا، پولیس نے فوری طور پر کارروائی کرتے ہوئے ملر کو گرفتار کر لیا۔ سان فرانسسکو کلب نے بھی واقع کا نوٹس لیتے ہوئے بروس ملر کو برطرف کر دیا۔