لندن(آئی این پی)انگلش آل رانڈر معین علی نے قومی ٹیسٹ ٹیم کے کپتان مصباح الحق کو بہترین قائد قرار دے دیا ۔ایک انٹر ویو میں برطانوی آل راؤنڈر کا کہنا تھا کہ مصباح الحق پاکستانی ٹیم کو کامیابی سے لے کر چل رہے ہیں اور ان کی زیر قیادت ٹیم ٹیسٹ کرکٹ میں بہترین کارکردگی کا مظاہرہ کر رہی ہے ،سینئر اور نوجوان کھلاڑیوں پر مشتمل پاکستانی ٹیم کیخلاف سیریز برابر کھیلنے میں بہت زیادہ لطف اندوز ہوا کیونکہ شائقین بھی مقابلے سے بھرپور کرکٹ دیکھنا چاہتے ہیں ۔معین علی کا مزید کہنا تھا کہ پاکستان کیخلاف ٹیسٹ سیریز میں انہیں بطور بالر بہت مشکلات کا سامنا کرنا پڑا کیونکہ فاسٹ بالرز کی موجودگی میں پاکستانی بیٹسمین انہیں مارنے کی کوشش کرتے تھے ۔