دبئی(نیوزڈیسک)ویسٹ انڈیز کے پندرہ رکنی ون ڈے اسکواڈ کی قیادت آل راو¿نڈر جیسن ہولڈر کریں گے۔ کرس گیل کو ڈومیسٹ کرکٹ نہ کھیلنے کا خمیازہ بھگتنا پڑا۔ سلیکٹرز نے جارح مزاج اوپنر کے نام پر غور نہیں کیا۔ کرس گیل ذاتی وجوہات کے باعث ٹی ٹوینٹی اسکواڈ میں بھی شامل نہیں۔ ورلڈ ٹی ٹوینٹی فاتح کپتان ڈیرن سیمی بھی گرین شرٹس کے خلاف سیریز میں ان ایکشن نہیں ہوں گے۔ آل راونڈر کارلوس براتھ ویٹ کو ٹی ٹوینٹی اسکواڈ کا کپتان مقرر کیا گیا ہے۔ شاہینوں اور کالی آندھی کے درمیان سیریز کا افتتاحی ٹی ٹوینٹی تئیس ستمبر کو دبئی میں شیڈول ہے۔ ٹیسٹ سیریز کے لیے ویسٹ انڈیز کے اسکواڈ کا اعلان بعد میں کیا جائے گا۔