لندن (این این آئی)پاکستان اور انگلینڈ کی کرکٹ ٹیموں کے درمیان پانچواں اور آخری ایک روزہ بین الاقوامی میچ (آج) اتوارکو کارڈف میں کھیلا جائیگا ٗ، دونوں ٹیموں کے درمیان میچ پاکستان کے معیاری وقت کے مطابق دن 2 بجکر 30 منٹ پر شروع ہوگا۔ شیڈول کے مطابق دونوں ٹیموں کے درمیان سیریز کا پانچواں اور آخری میچ 4 ستمبر کو کارڈف میں کھیلا جائے گا، پاکستان اور انگلینڈ کے درمیان واحد ٹی ٹونٹی میچ 7 ستمبر کو کھیلا جائیگا یاد رہے کہ میزبان ٹیم کو پاکستان کے خلاف سیریز میں 4-0 کی فیصلہ کن برتری حاصل ہے، انگلینڈ نے گرین شرٹس کو پہلے ون ڈے میں 44 رنز سے شکست دی تھی ٗدوسرے ون ڈے میں 4 وکٹوں سے ہرایا تھا اور تیسرے میچ میں میزبان ٹیم نے پاکستان کو بڑے مارجن 169 رنز شکست دی ٗ چوتھے میچ میں 4 وکٹوں سے شکست دیکر سیریز میں 4-0 کی فیصلہ کن برتری حاصل کر رکھی ہے۔ معروف کرکٹ ویب سائٹ کے مطابق پاکستان کی جانب سے میدان میں اترنے والے متوقع گیارہ کھلاڑیوں کے نام یہ ہیں۔ سمیع اسلم، شرجیل خان، اظہر علی، بابر اعظم، سرفرازاحمد، محمد رضوان، محمد نواز، عماد وسیم، حسن علی، عمر گل، محمد عامر۔