راولپنڈی (نیوز ڈیسک) پنجاب میں سیکیورٹی فورسز کی جانب سے جاری کومبنگ آپریشن میں بڑی کامیابیاں حاصل ہوئیں ہیں جن کے نتیجے میں خود کش بمبار سمیت 6 خطرناک دہشت گردوں کو گرفتار کر لیا گیا ہے۔ تفصیلات کے مطابق پاک فوج کے شعبہ تعلقات عامہ ’’آئی ایس پی آر‘‘ کی جانب سے جاری کردہ بیان میں بتایا گیا ہے سیکیورٹی فورسز کی جانب سے جاری کومبنگ آپریشن کے نتیجہ میں فیصل آباد اور گردونواح کے دیگر علاقہ جات سے 6 دہشت گردوں کو گرفتار کر لیا گیا ہے۔ آئی ایس پی آر کے مطابق گرفتار دہشت گردوں میں خودکش بمباروں کے ہینڈلر بھی شامل ہیں جب کہ ایک دہشت گرد خود کش حملہ آوروں کو بھرتی کرتا تھا، یہ تمام دہشت گرد 2014 سے واچ لسٹ پر تھے۔واضح رہے کہ سانحہ کوئٹہ کے بعد ملک بھر میں دہشت گردوں اور ان کے سہولت کاروں کے خلاف کارروائیوں میں شدت آئی ہے۔

موضوعات:دہشتگرد