پسنی(آئی این پی )پسنی میں کوسٹل ہائی وے پر بس اور ٹرک کے درمیان تصادم کے نتیجے میں 5 افراد جاں بحق جب کہ 15 سے زائد زخمی ہوگئے۔ بدھ کو پولیس کے مطابق پسنی میں کوسٹل ہائی وے پر تیز رفتار بس مخالف سمت سے آنے والے ٹرک سے ٹکرا گئی جس کے نتیجے میں 5 افراد موقع پرہی جاں بحق جب کہ 15 سے زائد افراد زخمی ہوگئے۔ امدادی ٹیموں نے جائے وقوعہ پر پہنچ کر زخمیوں کو سول ہسپتال گوادر منتقل کردیا جہاں انہیں طبی امداد فراہم کی جارہی ہے جب کہ لاشوں کو ضابطے کی کارروائی کے بعد ورثا کے حوالے کردیا گیا۔