لاہور( این این آئی )لاہورہائیکورٹ آفس نے متحدہ قومی موومنٹ کی بطور سیاسی جماعت رجسٹریشن کی منسوخی کیلئے دائر درخواست پرعائد اعتراض ختم کردیا،چیف جسٹس لاہور ہائیکورٹ جسٹس سید منصو ر علی شاہ کل جمعرات کو سماعت کریں گے ۔آفتاب ورک ایڈووکیٹ کی طرف سے دائر درخواست پر لاہو رہائیکورٹ آفس نے اعتراض عائد کیا تھا جس کے بعد درخواست گزار نے اعتراض کو دور کرکے دوبارہ درخواست جمع کرائی کرا ئی ۔لاہور ہائیکورٹ آفس نے درخواست پر اعتراض دور کردیا ۔ چیف جسٹس لاہور ہائیکورٹ جسٹس سید منصور علی شاہ یکم ستمبر کو درخواست پر سماعت کریں گے۔ درخواست میں موقف اپنایا گیا ہے کہ آئین کے تحت سیاسی جماعت کامحب وطن ہوناضروری ہے اور ایم کیوایم کے قائد کے بیانات سے ثابت ہوچکا ہے کہ ایم کیو ایم محب وطن جماعت نہیں اس لیے اس کی رجسٹریشن کو کالعدم قرار دیا جائے۔