لندن(این این آئی)پاکستان کرکٹ ٹیم کے نوجوان آل راؤنڈر عماد وسیم نے کہا ہے کہ ہمارے پاس باصلاحیت کھلاڑی موجود ہیں ٗ ہمیں نویں نمبر پر نہیں ہونا چاہیے ۔ایک انٹرویو میں انہوں نے کہاکہ میرے خیال میں جس طرح کے باصلاحیت کھلاڑی ہماری ٹیم میں ہیں اس حساب سے ہمیں 9ویں نمبر پر نہیں ہونا چاہیے۔انہوں نے کہاکہ ہمیں سخت محنت ٗاپنے اوپر اعتماد کے ساتھ کیمرے کیسامنے اپنے صلاحیتوں کو دکھانا ہے ٗآئی سی سی کی درجہ بندی میں بدترین پوزیشن پر عماد نے کہاکہ یہ پہلی دفعہ ہے کہ ہم عالمی سطح پر نوویں نمبرپر ہیں ٗ ٹیسٹ میں نمبرایک ہیں اسی طرح ہم ون ڈے میں بھی اپنی پوزیشن بہتربنانے کیلئے پرعزم ہیں۔انہوں نے کہاکہ میں کارڈف میں کھیلنے کو تیار ہوں، میں وہاں پیدا ہوا تھا اور اسلام آباد میں جوان ہوا تاہم میں کرکٹ لیگ کھیلنے کے لیے انگلینڈ اور آئرلینڈ آتا رہا ہوں۔اسٹوکس کے حوالے سے انہوں نے کہاکہ وہ ایک معیاری آل راؤنڈر ہیں اور ان کی باؤلنگ میں واپسی سے انگلش ٹیم مزید مضبوط ہوئی ہے تاہم اگر ہم نے صحیح سمت پالی تو ہم انھیں مشکلات پیدا کریں گے۔

موضوعات:عماد وسیم