اسلام آباد(مانیٹرنگ ڈیسک) انٹر نیٹ کی بات ہو تو ذہن میں جو پہلانام آتا ہے وہ ہے گوگل اور کروڑوں افراد روزانہ اس سرچ انجن کا استعمال کرتے ہیں مگر اس کے اندر کچھ چھپی چیزوں کو جان نہیں پاتے جن کا استعمال پرلطف تجربے سے کم نہیں ہوتا۔گوگل کی جانب سے اکثر اپنے سرچ انجن کے لیے چند دلچسپ مگر خفیہ فیچرز متعارف کرائے جاتے ہیں اور ان میں ہی چند گیمز بھی شامل ہیں۔جی ہاں انٹرنیٹ پر وقت گزاری کرنے کے لیے آپ گوگل پر 2 گیمز سے لطف اندوز ہوسکتے ہیں۔ان میں سے ایک سولیٹئیر اور دوسری ٹک ٹیک ٹوئی ہے مگر ان کو تلاش کیسے کیا جائے؟تو اس کا حل بہت آسان ہے گوگل سرچ باکس پر ‘ solitaire ‘ ٹائپ کریں اور انٹر کردیں، یہ گیم سرچ رزلٹس پر سامنے آجائے گی، جس پر کلک کرنے سے اسمارٹ فون پر اس کا فل اسکرین ورڑن کھل جائے گا جبکہ ڈیسک ٹاپ پر بھی اسسے لطف اندوز ہوا جاسکتا ہے۔گیم کتنی مشکل ہو اس کا تعین بھی آپ کے اپنے ہاتھ میں ہوتا ہے جبکہ بنیادی سیٹنگز جیسے سا?نڈ بند کرنا، آخری موو کو انڈو کرنا یا گیم ری سیٹ کرنا بھی سامنے ہی ہوتا ہے۔اسی طرح ٹک ٹیک ٹوئی گیم کو کھیلنے کا بھی یہی طریقہ کار ہے جس کو ایزی، میڈیم یا امپاسبل موڈ پر کھیلا جاسکتا ہے۔اسمارٹ فون پر یہ گیمز گوگل ایپ میں کھیلی جاسکتی ہیں جبکہ ڈیسک ٹاپ کر کروم براؤزر پر۔گوگل اکثر ایسی دلچسپ ٹرکس اپنے صارفین کے لیے پیش کرتا رہتا ہے۔اگر آپ ان سے واقف ہو تو اپنے دوستوں کو بہت زیادہ متاثر کرسکتے ہیں۔